38 Aw memenal se otaw kanak, metoman diyà kandin se kagi te Timanem insolat, ‘Kidoen te pedowan din, tomebol se wayeg mekebegay te kaling pedowan wedad temanan.’”
39 Se inikagi din tepad te wayeg, yan se tegdeyanan din tepad te Espiritu Santo ibegay diyà te kedita te otaw memenal kandin. Meneng wedà pa dateng se Espiritu Santo kandan, so wedà pa pegpeengat si Jesus doton te langit.
40 Pegdineg dan te inikagi din, doen menge otaw minikagi, “Sikandin se ontò benal telekeliwat te kagi te Timanem tapay din impakang.”
41 Minikagi se menge doma otaw, “Sikandin se Misiyas megpelowà kenitadon.” Meneng doen heman menge doma otaw minikagi, “Kenà sikandin se egpelimanan tadon, so kenà tege Galiliya se Misiyas megpelowà kenitadon.
