38 Diospa palabran nenqannomi, noqaman marcäcoq shonqunpitaqa, imeca mayunoraq cawatsicoq yacu yarqunqa —nir.
39 Tsetaqa Jesus nerqan Santu Espirituta peman creyicoqcuna chasquiyänanpaqmi, porqui sieluman Jesus manaraq cutirninmi, creyicoqcunaman Santu Espiritunta cachamorqanraqtsu.
40 Jesus tseno nenqanta wiyarirnam, nunacuna queno niyarqan: —¡Que nunaqa rasonpam shuyaconqantsic profeta! —nir.
41 Waquincunanam niyarqan: —Queqa Dios Acrashqanmi —nir. Peru waquincunanam niyarqan: —¡Galilea marcapitaqa manachi Dios Acrashqan canmantsu!
