20 Jesus tseno niptinnam, tse nunacuna queno niyarqan: —¿Pitaq wanutsishiniquita munan? Supëmi qamchoqa yachan —nishpa.
21 Jesusnam nerqan: —Claru parlaquichoqa, jucta rureconqämi qamcunata mantsacätsiyäshunqui.
22 Masqui yarpäyë: Moisesmi mandayäshorqequi señalacuyänequipaqqa y qamcunanam ollqu wamrata señalayanqui jamaqui junaq quecaptinpis. Tse costumbreqa une awiliquicunapita patsam, manam Moisespitaraqtsu.