16 Or ngoo yaal, lee re zha kuu ngeteed lo Jesús ndala roo nitdoo,
17 ne mke re zha leen thib kano par rid zha tedib lad nitdoo, par tsin zha yez Capernaúm. Ne ngooʼa yaal lee Jesús terka tsin lo re zha.
18 Ne lee thib mbi thoz mroo mndelo mkwin nitdoo.
19 Ne or ndaʼa re zha teeka thib gaay mil o xoop mil metr lo nitdoo, tsa mwii re zha lee Jesús ndetsin lo re zha ndyaad nde lo nitdoo, tsa kwathoz mzeb re zha.
20 Ora nzhab Jesús lo re zha: ―¡Tsebt goo nay!
21 Ne mlaa re zha mke Jesús leen kano, per oraaka mzin re zha yezlyu ta nda zha.
