4 Judea mai anoax Galilea ano kakĩ Jesús Samãria finõfaini.
5 Askata Samãria ano Jesús nokoni. Nãno nã pexe rasi ãfe ane Sicar ano nokoni. Nãno chaimashta Jacobo ãfe tare ipaoni. Nã tare ãfe fake José inãni mãmãi anifoxõ.
6 Nãnori Jacobo kini fani nã kini mẽranoa faka fixikĩ. Nã faka fiti ano xini keya Jesús nokoni. Chai inoaxmãi oax xokenãi Jesús nãno tsaoni.
7 Jesús teneyoaino, a aõxõ tãpimisfãfe a piaifo pexe rasi anoa fiifokani fonifo. Mã foafono nãno kẽro samãritanõ akiki nokoni faka fiyoi. Faka fiti ketokonõ Jesús tsaoano akiki nokoni. Nãskaxõ Jesús a kẽro yoini: “Ea faka fexõfe ẽ ayanõ,” fani.
