15 Huajca nopa sihuat quiilhui: ―Tate, techmaca nopa at para ayecmo niamiquis huan ayecmo niatacuiqui ipan ni ameli.
16 Huan Jesús quiilhui: ―Xiya, xijnotzati mohuehue ma huala.
17 Huan nopa sihuat quinanquili: ―Amo nijpiya nohuehue. Huan Jesús quiilhui: ―Melahuac cati techilhuijtoc, amo tijpiya mohuehue.
18 Pampa tiquinpixqui macuilti mohuehuejhua huan yaya cati ama mohuaya itztoc, amo mohuehue. Huajca techilhuijtoc cati melahuac.
