7 Amo xinechsentlachili quema nimitzilhuía monequi yancuic titlacatis.
8 Xiquita queja eltoc ica ajacatl. Tojuanti tijcaquij nopa ajacatl tlen pano, pero ax tijmatij canque quistejqui, niyon ax tijmatij canque ajsiti. Nojquiya quema Itonal Toteco quitlacatiltía se tlacatl, tijmatij quipiya yolistli yancuic, pero ax hueli tijmachilíaj quejatza elqui.
9 Huan Nicodemo quiilhui Jesús: ―Ax nijmachilía tlen tinechilhuía.
10 Huan Jesús quiilhui: ―Tiitztoc se hueyi tlamachtijquetl tlen Itlajtol Toteco ipan ni tlali Israel. ¿Para tlen ax tijmachilía tlen niquijtohua?