Juan 2:1-16 in Inga

¹ Kimsa punchapika, Gali­lea alpa­manda Kaná suti pui­blupi sug kasaraimi tiarka. Chi kasaraipi, Jesuspa mama­pas­mi kag­rirka.

² Jesus­ta i paita kati­raiag­kuna­ta­pas­mi kunbidar­ka­kuna.

³ Chi kasaraipika, binu pisig­samurka. Chasa kag­mandaka, Jesus­pa mama, paita nirka: —Binu, ña mana iukan­kuna­chu.

⁴ Paika ainirka: —Mama, ¿imapatak chasa ni­wa­kungi? Nuka­pa puncha manara chaia­munchu.

⁵ Paipa mamaka, chi kasaraipi aidag­kunata nirka: —Pai tukui imasa niska­sina ruran­gi­chi.

⁶ Chi wasipi tiarka sugta atun rumi manga­kuna; chi­kunapi, ñug­pa­manda judiu­kuna iacha­chiska­sina mailla­rin­ga­pa. Sug sug man­ga­pi, pichka chunga u kan­chis chunga litru pagtarka.

⁷ Nig­pika Jesuska, aidag­kunata nirka: —Manga­kunapi iaku junda­chii­chi. Chi­ura­lla, tukui manga­kunapi junda­chir­ka­kuna.

⁸ Chi­ura, Jesuska nir­ka­kunata: —Kuna­ura wisispa, butijiruta tantia­chig­rii­chi.

⁹ Kara­ura, butijiruka iaku binu tukuskata upiarka, mai­manda wisiska kagta mana iachaspa­lla. Iaku junda­chig­kuna­lla­mi iachar­ka­kuna. Upias­paka, kusa tukun­ga­pa kagta kaiaspa,

¹⁰ nirka: —Tukui­kuna­pag­pi­mi ñugpa alli binuta karan­kuna. Nis­paka, ña alli upiaska ka­ura, manancha­ta­mi karan­kuna. Ikuti kamka, kunan­kama­mi mas alli binuta waka­chiska kangi.

¹¹ Chasami, Gali­lea alpa­manda Kaná pui­blupi, Jesús musuglla mana ima­ura­pas kawaska­sina rurarka. Chi­wa, pai suma atun kag­ta­mi kawa­chi­rirka. Chasa kawas­paka, paita kati­raiag­kuna mas suma pai­manda iuia­rir­ka­kuna.

¹² Chi­ura­mandaka Jesús, paipa mama i waugki­kuna i paita kati­ra­iag­kuna­wan­ta Kafarnaum suti pui­bluma rir­ka­kuna. Chipi chaiag­ris­paka, sug mailla puncha­kuna­mi chisiar­ka­kuna.

¹³ Judiu­kunapa paskua atun puncha ña chaia­mu­ku­ura, Jesús Jeru­salenma rirka.

¹⁴ Diuspa atun wasi ukuma iai­kug­ris­paka, wagra, ubija i paluma­kuna katug­kunata i kulki trukag­kuna tia­na­kuskata tarig­rirka.

¹⁵ Chasa tarig­ris­paka, kabristu asuti­diru pata­rispa, tukui chi ukupi kag­kunata, ubija i wagra­kuna­wan­ta kanchama llugsi­chirka. Trukag­kunapa kulkita misa­kuna­wan­ta kaima chima bula­chirka.

¹⁶ Paluma katug­kuna­ta­pas nirka: —Tukui kai­kuna­ta­pas kai­manda llugsi­chii­chi. Nuka Taitapa wasita mana rurai­chi randig­samu­diru i katu­diru wasi.