Juan 21:4-11

⁴Mã penaino Jesús ĩamãfã kesemẽ atoki nokorisatani. Ĩamãfã kesemẽxõ aõxõ tãpimisfãfe tsõa Jesús tãpinifoma.

⁵“¿Ẽfe fakefãfe, mã foe fiamamẽ?” ato faino, “Nõ fiama,” fanifo.

⁶Askafaifono ato yoini: “Mãto põya kayakai aõri mãto rini potekãfe. Askafaxõ mã fitiroki,” ato faino nikakakĩ nã ato yoiai keskafanifo ãto rini potekakĩ ãto põya kayakai aõri. Nãskaxõ meafo mã foe kayakõi fia menifo. Ato kanõanãfã mẽra nanepaikakĩ ranãnifo.

⁷Nã Jesúsxõ tãpimis fẽtsa nã Jesús ãfe yamakõi ipaonito Pedro yoini iskafakĩ: “¡Nãfi nõko Ifoki!” fani. Askafaito nikai Pedro koshikõi ãfe rapati safeni nãskax kanõanãfã makinoax ĩamãfãnaki pakekaini ãfe Ifoki nokorisapai.

⁸Nãskaito õikani atiri kanõanãfãnẽ acho fonifo. Ãto rini foe fospikõiano ninifonifo ĩamãfã kesemẽ chaimashta nokoxikakĩ.

⁹Mã ĩamãfã kesemẽ nokokaxõ õiafo chii mãnã mãnã ikaito õinifo. Foe yafi pãa xoimea chii ketokonõ raka õinifo.

¹⁰Askata Jesús ato yoini: “A mã rama foe fia niri fekãfe,” ato fani.

¹¹Akka Pedro kanõanãfãoxõ rini ninifoni ĩamãfã kesemẽ rataxiki. Mã rini fixõ õia foe rini mẽra fospikõia õini. Ciento cincuenta y tres ini. Akka fõe rini faxtenima.