11 Pos María oyeya ca queyöhuac chucataya itlac mejcöustutl. Entunses cuöc ochucataya otlachix ijtec mejcöustutl.
12 Hua oquemejtac unte öngeles motlajtlaquentejtaya ica tzotzomajtle istöc. Oyejyehuataya sente cöne ca oyeya tiecuötzoncuöc hua ocsente cöne ca oyeya tieicxetla, cöne oquetlölejque tiecuierpo Jesús.
13 Hua oquelfejque: ―Sohuatl, ¿tlica techuca? Oquemelfe: ―Ipampa ye tiebicaque noTlöcatzintle hua amo necmate cöne tietlölito.