Juan 1:7-17 in Ixil

⁷ Utz aꞌ ul taleꞌ aas aꞌ u txijtxubꞌal u Jesuus kꞌasuꞌl xeꞌ Tioxh. Ech kajay saniman u Jesuus tiꞌ qꞌul iyol.

⁸ Utz aꞌ koj u txijtxubꞌal u Xhan; pek alol koꞌn tetz itziiul u txijtxubꞌal.

⁹ Tan ul u Jesuus tu u vatz amlika txꞌavaꞌ tzaꞌ. Ayaꞌ u nojla txijtxubꞌal tetz kajay qꞌu aanima.

¹⁰ Utz atin tu u vatz amlika txꞌavaꞌ tzaꞌ. Utz tiꞌ kuꞌen kꞌuxh veet u vatz amlika txꞌavaꞌ. Pek aatz qꞌu aanima tu u vatz amlika txꞌavaꞌ, yeꞌt tootzaji aas aꞌ vaꞌl uli.

¹¹ Tiꞌ qꞌu tetz ulka. Pek yeꞌt koꞌn kꞌulax tu vitenam.

¹² Pek taqꞌ tijleꞌm kajay qꞌuꞌl kꞌulun, qꞌuꞌl motx niman vibꞌii. Bꞌens kꞌaol imeꞌal Tioxh taqꞌo.

¹³ Utz yitꞌ tiqꞌaqꞌal koj kajal aanima vibꞌen qꞌu aanima kꞌaol imeꞌal Tioxh tziꞌ. Yitꞌ titxumbꞌal koj chiꞌl kꞌuxh itzꞌpi utz, yitꞌ titxumbꞌal koj aanima. Pek itxumbꞌal Tioxh.

¹⁴ Bꞌen koꞌn aanima u aqꞌol tiichajil. Atin tu kuxoꞌl. Utz qil u mam itechalil, echaꞌ tijleꞌm maꞌl kꞌaola aas taꞌxh maꞌl kꞌatz itat. Techal qꞌu mam bꞌaꞌnil tzixeꞌ tuchꞌ vinujul.

¹⁵ Uncheeꞌ yolon u Xhan tiꞌ u Jesuus ech tzaꞌ: —Aꞌ vaꞌl val sete atziꞌ aas val ech tzaꞌ: «Aatz vaꞌl tul viꞌ, bꞌaxaich sunvatz. Atichnale aas cheeꞌin.» Texhin.— Texh u Xhan.

¹⁶ Utz kajay oꞌ niqetzan kꞌatza tiꞌ u mam bꞌaꞌnil vaꞌl ech koꞌxh ibꞌenaꞌ.

¹⁷ Tan aatz u Moisees, aꞌ taqꞌ u oꞌtla mantaar qe. Pek ech koj u bꞌaꞌnil tuchꞌ vinujul, aꞌ vetiqꞌon ul quxeꞌ u Jesucristo.

⁷ tiꞌ ul talat isuuchil unqꞌa yoleꞌ sukuxoꞌl tiꞌ u txijun tetz u qaanxelaleꞌ, aqꞌal uvaꞌ kajayil chit oꞌ tukꞌ unqꞌa tenameꞌ la kukꞌujbꞌaꞌ kukꞌuꞌl tiꞌ u txijun tetz u qaanxelaleꞌ.

⁸ Jit u Xhuneꞌ u txijun tetz u qaanxelaleꞌ. Pet aꞌ u Xhuneꞌ u alol tetz isuuchil u yoleꞌ tiꞌ uvaꞌ abꞌil u txijun tetz u qaanxelaleꞌ.

⁹ As tul kat ul u txijun tetz u qaanxelaleꞌ uvaꞌ taꞌn chiteꞌ unchꞌiꞌtil vatz u txꞌavaꞌeꞌ,

¹⁰ as atik u txijun tetz u qaanxelaleꞌ xoꞌl unqꞌa tenameꞌ. As kꞌuxh aꞌeꞌ u cheesan tetz u vatz txꞌavaꞌeꞌ skajayil, as yeꞌ kat texhla unqꞌa tenameꞌ u tijleꞌmeꞌ.

¹¹ As kꞌuxh aꞌ ulkat xoꞌl vitenameꞌ, as yeꞌ kat kꞌulpu veꞌteꞌ taꞌn vitenameꞌ.

¹² Pet abꞌil uveꞌ kat niman as kat ikꞌujbꞌaꞌ ikꞌuꞌl stiꞌ, as aꞌeꞌ kat oksan oꞌ smeꞌal ikꞌaol Tiixh.

¹³ As yeꞌl uvaꞌ tukꞌ koj itxumbꞌal umaj vatz txꞌavaꞌilla aama as tukꞌ koj u tachaꞌv umaj uxhchil uvaꞌ kat ok oꞌ smeꞌal ikꞌaol Tiixh. Pet tachaꞌv chit u Tiixheꞌ uvaꞌ kat ok oꞌ smeꞌal ikꞌaol Tiixh.

¹⁴ As u uxhchileꞌ uvaꞌ nikꞌuchun kam bꞌantaꞌn u Tiixheꞌ, as atik veꞌt sukuxoꞌl, as nimal veꞌt bꞌaꞌnil kat ibꞌana, as nik tal veꞌt u jikla yoleꞌ te unqꞌa tenameꞌ. As kat teqꞌo veꞌt qaama tan ech nik ibꞌaneꞌ echeꞌ uveꞌ nik ibꞌan u Tiixheꞌ tan aꞌeꞌ unchꞌiꞌtil viKꞌaol u Tiixheꞌ. Estiꞌeꞌ kat teqꞌo veꞌt qaama tiꞌ unqꞌa uveꞌ nik ibꞌan Aak.

¹⁵ As tal u Xhuneꞌ isuuchil unqꞌa yoleꞌ stiꞌ. As ech tal ileꞌ: —Aakeꞌ uvaꞌ kat vala, uvaꞌ ech val ileꞌ: «Xekel tzan umaꞌl u uxhchil sviꞌ. As nim talcheꞌ sviꞌ, tan atik chiteꞌ tul uvaꞌ yeꞌxnik itzꞌebꞌ in,»— tiꞌk u Xhuneꞌ.

¹⁶ As yeꞌ niyaꞌ u Tiixheꞌ tiꞌ taqꞌat vibꞌaꞌnileꞌ sqe, tan nim chit vibꞌaꞌnil Aakeꞌ sqiꞌ,

¹⁷ tan bꞌaꞌneꞌ vitzaqꞌit Aakeꞌ uvaꞌ atik kan sukuxoꞌl taꞌn u Moisés bꞌaxa. Pet aal chit nim talchu veꞌt vibꞌaꞌnileꞌ tukꞌ u jikla yoleꞌ uvaꞌ at sqiꞌ, as u uxhchil uvaꞌ ni val sete as aꞌeꞌ u Jesucristo,