8 Or mbin Pilat kona masraa mzeb Pilat.
9 Tsa mre Pilat mndaab leen yuulow tedib welt, ne nzhab Pilat lo Jesús: ―¿Cho zha naka? Per lee Jesús mkabt lo Pilat.
10 Tsa nzhab Pilat: ―¿Chebee nkabta lon? ¿Chu neta napʼn yalnabee par keen lu lo kruz ne napʼn yalnabee par telaan lu?
11 Tsa lee Jesús mkab ne nzhab: ―Gagt nabeeʼa, os lee Diox gataat yalnabee loʼa; per masraa falt nap zha kuu mndaan loʼa nake lu.
12 Ne desde ora mkwaan Pilat mod par gatelaa Pilat Jesús; per lee re zha Israel mre mrez ne nzhab: ―¡Os leeʼa telaaʼa zha baa, nagta amig zha kuu nabee Roma! ¡Tak loka zha kuu mbez nak rey, zhaʼa nzhak zha kuu nayii ne zha kuu nabee dita ta nabee Roma!
