8 Ito bajiro ĩna yija tʉocõri, bʉto bʉsa güiyijʉ Pilato.
9 Tʉdi wi toti Jesure ãmi sãcõri, ado bajiro seniĩayijʉ Pilato ĩre: —¿Nojʉ gagʉ ñati mʉ? yiyijʉ Pilato ĩre. Ito bajiro ĩ yibojarocati ĩre cʉdibisijʉ Jesús.
10 Mʉcana tʉdi ĩre seniĩayijʉ Pilato: —¿Yʉre cʉdibeati mʉ? Gãjerã mʉre yucʉtẽojʉ yʉ jaju roti ãmoja jaju roti masia yʉ. Mʉre yʉ bucõa ãmoja, bucõa masia yʉ. ¿Itire masibeati mʉ? yiyijʉ Pilato Jesure.
11 Ito ĩ yijare: —Mʉ rotiroca Dios ĩ mʉre yibeja, yʉre roti masibitiboa mʉ. Mʉ rẽto bʉsaro seti cʉtigʉ ñami yʉre ĩna ñiatoni gotirʉ, yiyijʉ Jesús Pilatore.
