5 Ne ndob koron yitsa yek Jesús ne nok Jesús lar naneʼa mroo Jesús. Tsa lee Pilat nzhab lo re men: ―¡Wii goo, lee zha ndo nzhee!
6 Leettsa mwii re ngwleyy kuu nabee lo re ngwleyy ne re soldad kuu nkenap gwodoo lo Jesús, ora mrez re zha ne nzhab: ―¡Bkee zha lo kruz! ¡Bkee zha lo kruz! Tsa nzhab Pilat lo re zha: ―Bzhen goo zha ne bkee goo zha lo kruz, tak lee na mzaltʼn neeka thib kuu went kuu mtsow mbyi ree.
7 Per lee re zha Israel mkab ne nzhab: ―Lee re nee nap nee thib ley, ne lee lo ley chaan nee mbez ndoblo gath zha, tak ni zha lee zha nak Xgann Diox.
