Juan 13:17-31 in Inga

¹⁷ Chi tukui ima iacha­chiskata suma ruras­paka, Taita Diuspa iapa kuiaska­mi ka­puan­kan­gi­chi.

¹⁸ —Tukui kam­kuna­manda, nuka mana chasa ni­na­kui­ki­chi­ta­chu. Nuka agllas­ka­kuna­manda ña­mi iachani. Chi­wanka, ñugpa­manda librupi imasa willa­raiaska­sina tukug­samun­ga­pa ka. Kasa­mi ni­raiá: “Nuka­wa tanda sug­lla­pi mikug­pas, nuka­pa kuntrami tukurka”.

¹⁹ Kuna­ura, manara chasa tukug­samug­pi­mi willai­ki­chita; chasa tukug­samu­uraka, kam­kuna, suma iuia­ri­waspa, nuka pi kagta rigsi­wan­ga­pa.

²⁰ Kasa­mi nuka nii­ki­chita: mai­kan­pas nuka kachas­kata chaskig­pika, nukata chaski­wagmi ni­raiá. Chasa chaski­was­paka, nukata kacha­mu­wag­ta­pas­mi chaskig ni­raiá.

²¹ Chasa nis­paka Jesuska, sungu nanagta llaki­rispa, imasa pasa­rin­ga­pa kagta willarka, kasa nispa: —Kasami nuka nii­ki­chita: kam kikin­pura­manda sugmi api­chi­wan­ga­pa ka.

²² Chi­ura paita kati­raiag­kuna, ñawima kawa­ri­na­kuspa iuia­na­kurka: “¿Pi­manda­sik chasa rima­ku?”.

²³ Jesusta kati­raiag­pura mas kuiaskaka, paita kimi­rispa tia­kurka.

²⁴ Pai kimi­raiaskataka, Simón Pedro ñawi­wa siñas rurarka, tapu­chin­ga­pa: ¿pi­manda­mi Jesús chasa rima­ku?

²⁵ Chi­ura chi runaka, Jesus­pagma mas kimi­rispa, tapurka: —Taita waugki, willa­wai: ¿pitak ka?

²⁶ Chi­ura, Jesuska ainirka: —Nuka sug piti tanda ju­ku­chispa, karasa; pai­mi ka—. Chasa nis­paka, tanda juku­chispa, Judas Iska­riote­ta­mi kararka. Chika karkami Simonpa wam­bra.

²⁷ Chi tandata chaskispa miku­uraka, chi­ura­lla iaia kukuka Judas­pa sunguma iai­kurka. Nis­paka Jesus­ka, paita nirka: —Kam ima ruran­ga­pa kaskata utkalla rurai.

²⁸ Ñi mai­kan Jesus­wa miku­nakug­pura mana iachar­ka­kuna, ima­manda pai chasa ni­kugta.

²⁹ Sug­kuna iuia­na­kurka: “Judas kulki waka­chi­dur kag­manda, atun punchapipa ima minis­tis­ka­kuna randin­ga­pachar kacha­ku”. Ikuti sug­kunaka iuia­na­kurka: “Ñi ima mana iukas­ka­kunatachar karan­ga­pa kacha­ku”.

³⁰ Judas chi tandata mikunga­lla­wa llugsi­ura, ña tuta­mi karka.

³¹ Judas ña llugsi­ura, Jesuska nirka: —Kuna­ura­mi kai Runa Tukus­ka­ta suma atun­ia­chiska tuku­ku. Nuka­wa­mi Taita Diuspas suma atun­ia­chiska tuku­ku.