22 Pero sabe man gayot yo que si cosa uste ay pidi con Dios, ay dale le dayun con uste.”
23 Ya habla si Jesus con ele, “Marta, el di tuyo hermano ay levanta ole.”
24 Ya contesta si Marta, “Si, Señor, sabe yo ay resucita le na ultimo dia.”
25 Ya habla si Jesus con ele, “Marta, yo amo el quien ta hace levanta con el maga muerto, y yo amo tamen ta dale vida. Si quien ay cree y obedece conmigo, masquin ya muri ya le, ay vivi le junto con Dios hasta para cuando.
