17 ’Nquii Tsotya̱ jeeⁿ candyaꞌ tsꞌoom ja, ee mañequiaandyo̱ na cꞌio̱ cwentaa nnꞌaⁿ na cwiluiindye canmaⁿ ntsma̱a̱ⁿꞌa cha nñequiaaⁿ na nncwando̱ꞌnndaꞌa.
18 Tjaaꞌnaⁿ ꞌñeeⁿ juu na nnda̱a̱ nntseicueeꞌ ja na nchii ñꞌoomya. Mannco̱tya̱ mañequiaandyo̱ na ljoꞌ catjo̱ⁿ. Waa najndo̱ na cwiluiindyo̱ na catsꞌaa na ljoꞌ, ndoꞌ mati waa na jndo̱ na nncwando̱ꞌxco̱. Luaaꞌ ñꞌoom na sa̱ꞌntjom Tsotya̱ya na catseixmaⁿya.
19 Jnda̱ na jndye nnꞌaⁿ judíos ñꞌoommeiⁿꞌ sꞌaanaꞌ na tîcatjoomꞌnndaꞌ na jlaꞌneiⁿna cantyja ꞌnaaⁿꞌaⁿ.
20 Ee jndyendye joona jluena: —Tsaⁿjndii matseixmaaⁿ, ndoꞌ jnda̱ teintjeiⁿñê. ¿Chiuu na cwindyeꞌyoꞌ ñꞌoom na matseineiiⁿ?
21 Sa̱a̱ ntꞌomndye joona jlue: —Nchaa lꞌuu ñꞌoommeiⁿꞌ laꞌxmaⁿnaꞌ ñꞌoom na nntseineiⁿ tsꞌaⁿ na mꞌaaⁿ nacje ꞌnaaⁿꞌ tsaⁿjndii. ¿Aa nntsꞌaacheⁿnaꞌ cwii tsꞌaⁿ na mꞌaaⁿ nacje ꞌnaaⁿꞌ tsaⁿjndii nnda̱a̱ nntsꞌaa na nntyꞌiaaꞌ tsꞌaⁿ na nchjaaⁿꞌ?
