6 o Bet-Lebaot the o Šaruchen: dešutrin (13) fori the lengere gavenca.
7 Chudle the kala fori: o Ajin, o Rimmon, o Eter the o Ašan: štar fori the lengere gavenca.
8 Lengere hine the kala savore gava, so hine pašal ola fori dži ko Baalat-Beer the Rama-Negev. Kada hin o ďeďictvos le kmeňoskero Šimeon pal leskere fajti.
9 Le Šimeonoskeri phuv sas maškar e Judaskeri. O ďeďictvos le Judaskero sas igen baro, vašoda chudle the on maškar lende o ďeďictvos.
10 O trito losos peľa pro kmeňos Zebulun pal lengere fajti: Lengeri phuv sas dži ko Sarid.
11 E phuv sas pro zapados ke Marala dži pre sera le Dabbešetostar the ko paňi, so hino pro vichodos le Jokneamostar.
12 Le Saridostar pes visarel ko vichodos dži ke phuv paš o foros Kislot-Tabor a odarik ko Daberat the ke Jafia.
13 Odarik džal dureder ko vichodos andro Gat-Chefer, andro Et-Kacin the andro Rimmon a visarel pes andre Nea.
14 Pro severos pes visarel ko Channaton a džal dži ke dolina Jiftach-El.
15 Lengere hine the o Kattat, o Nahalal, o Šimron, e Jidala the o Betlehem; dešuduj (12) fori the lengere gavenca.
16 Kala fori lengere gavenca hine o ďeďictvos le kmeňoskero Zebulun pal lengere fajti.
17 O štarto losos peľa pro kmeňos Jissachar pal lengere fajti.
18 Lengere phuva sas: o Jezreel, o Kesulot, o Šunem,
19 o Chafarajim, o Šijon, o Anacharat,
20 o Rabbit, o Kišjon, o Ebec,
21 o Remet, o En-Gannim, e En-Chadda the o Bet-Paccec.
22 Lengeri phuv džal dži pre sera le forendar Tabor, Šachacajim the Bet-Šemeš dži paš o Jordan. Oda hin dešušov (16) fori the lengere gavenca.
23 Kala fori lengere gavenca hine o ďeďictvos le kmeňoskero Jissachar pal lengere fajti.
24 Pandžto losos peľa pro kmeňos Ašer.
25 Andre lengere phuva sas o fori: o Chelkat, o Chali, o Beten, o Achšaf,
26 o Allammelech, o Amad the o Mišal. Pro zapados lengeri hraňica džal dži pre sera le forendar Karmel the Šichor-Libnat.
27 Odarik e hraňica visaľol ko vichodos andro Bet-Dagon dži pre sera la phuvatar Zebulun a paš e dolina Jiftach-El, paľis ko severos ko Bet-Emek the Neiel a odarik visaľol ko Kabul;
28 džal ko Ebron, Rechob, Chammon the Kana dži ko Baro Sidon;
29 paľis e hraňica pes visarel ke Rama dži ko zoralo foros Tir, odarik pes visarel ke Chosa a džal dži ko moros. Lengere hin the o Machalab, o Achzib,
30 e Umma, o Afek the o Rechob: bišuduj (22) fori lengere gavenca.
31 Kala fori lengere gavenca hine o ďeďictvos le kmeňoskero Ašer pal lengere fajti.
32 O šovto losos peľa pro kmeňos Naftali pal lengere fajti.
