10 “Ne 45 he tuig is midlavey puun te kegkeǥiya zutun te Nengazen diyà te ki Moises. Kemulu pa zutun edhipanew is menge Israilihanen diyà te sibsivayan. Ne ǥuntaan 85 en he tuig is keǥurang ku ne uuyag e pa ǥihapun pinaaǥi te tavang te Nengazen,
11 ne is desen ku iring gihapun te zesen ku hein midsuǥù a ni Moises. Ebpekehimu e pa ǥihapun te minsan hengkey, minsan is kebpekidtebek su is egkehimu ku ǥuntaan ne iring ded te egkehimu ku zengan.
