8 Mürin üa emwenikemiila lon fanüen chon Amor mi nom ötiuen ewe chanpupu Jortan. Iwe, ra maun ngenikemi, nge ngang üa awinnakemi. Ämi oua fanüeni fanüer, nge ngang üa aroserela me mwemi.
9 Mürin, Palak ewe kingen Moap nöün Sippor we mwän a maun ngenikemi. Iwe, a titi Palam nöün Peor we mwän pwe epwe anümamauakemi.
10 Nge ngang üsap mochen aüselinga Palam, iei mine a afeiöchükemi. Iei usun üa amanauakemi seni Palak.
11 Mürin oua feila pekilan ewe chanpupu Jortan o tori Jeriko. Iwe, ekewe re Jeriko ra maun ngenikemi, pwal ekewe chon Amor, chon Peris, chon Kanaan, chon Hit, chon Kirkas, chon Hiw me chon Jepus. Nge üa akufuur meinisin o awinnakemi.
12 Iwe, üa atolongeer lon niuokus me rükö, pwe üpwe asüela ekewe ruoman kingen chon Amor me mwemi. Ei esap fis ren nöümi ketilas ika wokumi esefich.
13 Iwe, üa ngenikemi eu fanü ämi ousap angang ngeni, üa pwal ngenikemi telinimw pwe oupwe imweimw lon, nge sap aüemi, oua pwal ochoch föün irä seni ekewe tanipin irän wain me olif, nge sap fotukiemi.’
14 Iei mine oupwe meniniti ewe Samol mi Lapalap o angang ngeni fän leten lelukemi pwal fän allükülüköch. Oupwe pöütala ekewe kot ämi kewe lewo ra fel ngeniir me pekilan ewe chanpupu Oifrat pwal me Isip, nge oupwe chök angang ngeni ewe Samol mi Lapalap.
