22 Tialima, Josuago augwalibolo te po wali, “Duga digi haninama pusali, tama duga digi te Genuai Bidiba naga lotu po wabo po dąų wali.” Tama augwaligo te po wali, “Te tama dao! Dago haninama po pusali. Te dena digi dade wali po dao.”
23 Tama Josuago po ma wali, “Tialima, dagego te gasa hani dabego te tibo god dage tomode bidalubo te dagego sela sąyao. Tama dagego duga homu tigidali te God, te duga Israel dabego Genuai Bidiba muao.”
24 Tama te we bidi augwaligo Josuabolo te po wali, “Dago te Godiba lotu wainogo, te dago Genuai Bidi, tama aga bomai po naga wali paibao.”
25 Tialima, te sogo Josuago te we bidi dabe dali po me deli dąų walali. Tama te bulu Sekemde Josuago te bomai po me te po me asęnama, augwalibolo mani, te augwaligo wali pomainogo.
