9 Iwe, lon ewe ränin Moses a pwon fän akapel ngeniei o apasa, ‘Ellet, ewe fanü ka fen ipwetiu won epwe fanüom me noum kana tori feilfeilachök, pokiten ka apwönüetä letipen ewe Samol mi Lapalap ai we Kot.’
10 Nengeni, iei ewe Samol mi Lapalap a amanauaei usun a apasa. Iei a faik me limu ier seni ewe fansoun ewe Samol mi Lapalap a eäni ei kapas ngeni Moses, lupwen chon Israel ra fetalfeil lon ewe fanüapö. Ikenai üa ierini walik me limu.
11 Ngang üa chüen pöchökül tori ikenai, usun pöchökülei lon ewe fansoun Moses a tinieila. Ikenai üa chüen pöchökül le feila maun usun chök lepöchökülei me lom.
