9 Josua gêdi aŋga Gilgal ma kêsêlêŋ gêdêŋ gêbêc samuc tonaŋ ma gêô lasê gêdêŋ êsêac e têtakê.
10 Ma Apômtau gêgôm êsêacnêŋ meloco kêsa e sêc lau Israel, taŋ sêjac êsêac ŋanô aŋga Gibeon naŋ su. Lau Israel sêjanda êsêac sêsêp intêna Bet-Horonŋa, ma sêjac êsêac e jadêdêŋ Aseka to Makeda.
11 Gêdêŋ taŋ êsêac sêc lau Israel su sêsêp intêna Bet-Horonŋa sêja naŋ, Apômtau tau kêbaliŋ poc kapôêŋ aŋga undambê jakêtuc êsêac e jasêô lasê Aseka, ma êsêac sêmac êndu. Lau taŋ sêmac êndu kêtu kom pocŋa naŋ, taêsam sêlêlêc lau, taŋ lau Israel sêjac ŋa siŋ êndu naŋ su.
12 Gêdêŋ bêc, taŋ Apômtau kêkêŋ lau Amor sêsêp lau Israel lemeŋ naŋ, Josua kêkô lau Israel laŋôŋnêm ma kêsôm gêdêŋ Apômtau gebe “Aôm oc, ôkô ŋaŋêŋ aŋga Gibeon ma aôm ajôŋ, aŋga gaboaŋ Aijalon.”
