19 Ma Joshua teg hoi bosa vanra na vure, “Kau tangomana gekau lutu vania Lord, a pukuna gaia na God te tabu me nighi sika na lei gehegehe dika. Me ke mua tangoma geke talukehai a nmiu na hughu pungisi mana plumiu ta nina maana gaia.
20 Ke vaghaa au muri sania Lord makau lutu vanira na god keha ke, gaia ke ririu vanighau me ke taghalaghini ghau, sakai vamua te uto ngangata vanighau.
21 Mana vuresubo tara bosatughu vaniaJoshua mara gaghua, “Taho tua, tana puku ni liomami tua gekai lutu vania Lord!”
22 Ma Joshua teghoi bosavanira, “Ighau heghemiu tau bosaa mau vilia gekau lutu vania Lord.” Mana vure tara ghaghua vania, “Eo, ighai heghemami tai bosaa.”
23 Ma Joshua te ghaghua vanira, “Vaho ge uto taeni, kau taghalaghinighi na lei titinoni tamiu, makau riui na tobamiu vania Lord na God ni Israel.”
24 Mana vure taraghaghua vania Joshua, “Ighai kai lutu vania Lord nimami na God, ma gaia heghena vasoo kai taonia.
25 Ma Josh ate gonia na baubahu kolura na vure tana dani vaghana keri I Shechem, nia na pitikoluadira nia na gegere tutughuni te ngasi tana ghobudira gaira ma Lord.
26 Ma Joshua te gerei na totobo raini tana Buka ni Vetena nina God. Mete vaghaa na vatei ghanghana oli tana baubahu, gaia te pilia na vatu sule va tanasarana naghai tara vatua nia na oak, lilighina na Vuvale Tapole nina Lord.
27 Vaho ge bosa vanira na vuresubo udolu, “Na vatu ei te rongovi udolui na lei totobo te bosai vanighita. Ma gaia ke bosai ttei na lei totobo kau goni hahia, akau mua taonia nimiu na baubahu.”
28 Vaho aJoshua te nira vetena keha na vure va tana lei sopa komuna ma nina lologo.
29 Me mua hau vasoo imurina eni, Joshua nina tinoni lutu Lod, na dalena Nun, te mate tana 110 na niuluna.
30 Ma gaira tara tavughia ta nina pari te loghoa I Timnah-Serah tana ghotu Ephraim, paleva longana na Ghotu Gaash.
31 Ma Israel gehegehe vani Lord tana leibongina Joshua tevola maia na le mane uhu=uhuli tara vola imurina gaia, gaira kiri tara righighi mara ghilalai na lei totbo a Lord te gonighi vania Israel.
32 Mana hulinaJoseph, gaira rana Israel tara lavghi mara nighi mai kolu taa tughuru mai Egypt, tara tavughia I Shechem, tana bona ni pari te pelua Jacob tadia na lei dalena Hamor nia sakai na hangalatu ni silver. Na pari eni te ghanaa tana tunuvadira na Kemana Ephraim mana kemana Manasseh, na vinavahuhuna Joseph.
33 Ma Eleazar ghua te mate. Mara tavughia tana ghotu Ephraim, tana komu sule Gibeah tara diki vahea tua Phinehas na dalena.
