4 Te vuni Kakeri, me tona vulea Azmon, koekobe e va sara tana daidari i Egypt me va sara tana tahi. Aeni gaia didira na ririti ilau.
5 Mana ririti iulu te vuni tanan Tahi Mate me va sara tana matana na tina Jordan. Mana ririti i longa te vuivuni tana logu tana tina Jordan te tave va tana Tahi Mate.
6 Me tona halavu va i Beth-hoglah, vaho ge tona longa i lilighina Beth-arabah me va sara tana vatu Bohan na dalena Reuben.
7 Vaho ge vuni tanan ihu keri me liu tanan boboko. Achor me va sara Debir, me ririu longa va Gilgal, te liuvia va na sughi Adummim pala uluna na boboko. Me ghoi vuni kakeri me tona va tanan vulavula ni beti En-shemesh me tona haliu va i En-rogel.
8 Mana koekobe te ghoi liu va tana na boboko lilighidira na lei dalena Hinnom, me tona sopa tana sughi tara ghanara ga na Jebusite, te ghanaa ga Jerusalem. Vaho ge tona dato i pateva boko me va sara tanan kouna na ghotu, mana boko Hinnom i pari, me tona haliuhoru i matanga me va soko tana bobko ni Rephaim.
9 Mete ghoi vun kakeri, na koekobe te vuni tana kouna na ghotu me va sava tana pukuna na beti Nephtoah, mi kakeri me tona va tona va tanan lei komu tana ghotu Ephron. Vaho ge ririu me tonavia va Baalah (gaia keri, Kiriath-Jiarim).
10 Na koekobe te liu kilili bokona Baalah va tana ghotu Seir, me liu lilighina na komu ni kesalon me tona haliu longa va tana horu va Beth-She-Mes me va sara i Timnah.
