17 Namba kapa kumakamairu dokona nambana Rakange dokome namba mona reto karamo. Letena renge dee kamba nyero lapala kapa kumakamairu.
18 Namba daa laronopa mendeme namba pyao kumakaraminde daa. Namba range maso kumuo mairu renge dokope dee kamba lete paro renge dokope namba range keta palamo. Nambana Rakangeme dopako piri langiyamuli pyuo piro leya.
19 Dopa leyamo dokopa Juu wambu dupwame lamasa lao paka lakyuo pii wakale wakale lao lao kareyami.
20 Lapome, Baa imambu koo mende palipyasa kopyali minyapala lao karamo. Akipamo banya pii sakamairamase? leyami.
21 Lapome, Akali imambu koo palelyasa lao karenge banya pii dopale ingya nalyamo. Imambu koo dokome wambu lenge kwaenge doko kapa elya pyakamaingisi? leyami.
