30 Iy ndramak nane madan ndrasak anya, “Adeh! Jo barala tanan, ma baranuhun ai! Aha asehek anya, aha bala tanan, iy badu heh handru, bwe. Jo mene madak bwe, arile iy ndrabwidiy ndrasak ja.
31 Ahi tanan, Kindrei winiyan banuhun are lau, iy ta amekes kandriyen ndra-in, bwe. Arile, iy anuhun le iri lau mwasin ta atudun iy, ma iri an hamon handru ta tanan tan.
32 Taha marakon banuhun se bwe, ta ndramak ari badeh, bwidi ndramak ari, tinen atehei iy madan bwe, asak ja.
33 I buku Jises iy badu hawe Kindrei bwe, iy winiyan babwidiy se lakou bwe.”
