42 Buŋa Kimbinöŋ kewö jiza, ‘Kiŋ Deiwidnöŋ Judia prowinsgö taon moröŋi Betlehem miaŋgöreŋ malöhi, Kraistnöŋ miaŋgöreŋök asuhuba Deiwidkö gwölönarökurupŋi yeŋgöreŋök kunŋan akŋa.’”
43 Mewö mewö laŋ jigetka ambazip kambu yeŋön Jisösgöra aka jula deŋget.
44 Yeŋgöreŋök tosatŋan memba jöhöbingö mötketmö, kunŋan sileŋe qahö meyök. Mewö.
45 Jöwöwöl jikegö kiripo galöm (sikiriti) yeŋön liliŋgöba jike nup galöm aka Farisi (Köna keugö kapaŋkölköl) yeŋgöreŋ kagetka kewö jim eŋgiget, “Iŋini wuanöŋgöra i qahö memba kaze?”
