20 Jisas anɨg hagö, nɨbi bɨ ap mɨdeila gau hagla, “Nöp an alnɨg gab? Nöp kɨjaki abaŋ lajɨp hagabön,” a gɨla.
21 Hageila, Jisas haga, “Yad nan gagep añɨ ap gɨnö, kale magöŋhalö pa gɨƚɨ gɨpe.
22 Kale Mosɨs God lo manö haga rö, ñɨ kale gau yag daumim, ñɨn unbö mudun jɨŋ u mɨdmim, ruö raleb ñɨn u waŋ hañ rɨkpim. Gɨpim anɨbu, Mosɨs nɨpe wasö, nahai iƚaŋ bɨ nöd iƚ göm gɨmɨdal nagɨ adö u me anɨg gɨpim. Pen hañ rɨkep ñɨn raleb anɨbu, ñɨn rɨmnap God nɨp sabe gep ñɨn u nöp lɨnab, pen mɨñi God nɨp sabe gep ñɨn u, a gɨmim, arö gagpim; haƚöwaƚö hañ rɨkpim. Gɨpim anɨbu rö, yad God nɨp sabe gep ñɨn u bɨ ap nɨp gɨnö, hañ romaŋ magöŋhalö kamɨŋ löp u, kale ai gɨnɨg yɨp nɨŋbe mulu lugöp?
