62 Keu miaŋgöra möt bölize ewö, könaŋgep mönö denöwö asuhubawak? Suep gölmegö Azi ölŋan mutuk miri mala koröhi, euyaŋgöreŋ kunbuk liliŋgöba öŋgöi ekŋe ewö, nalö miaŋgöreŋ mönö denöwö mötme?
63 “Uŋa Töröŋi yaŋön ambazip mem gulim eŋgimakza. Iŋini gölme ambinöhök ahuba busuŋinambuk akzemö, ahuahu dölökŋe qahö ahuba nanŋini ösumŋinan öne letota Suepkö buŋa ahak mi qahöpmahöp. Uŋa Töröŋan malmal köhöikŋi eŋgizawi, nöŋön keu kötŋi mi jim tuaribi möta malget.
64 Mewö möta malgetmö, eŋgöreŋök tosatŋan töndup ni qahö möt narim niŋgiba malje.” Denike yeŋön qahö möt narim waŋgigeri aka daŋön könaŋgep mamalolo mem waŋgimawi, Jisösnöŋ mi könakönahiŋeyök möta korök. Miaŋgöra mewö jiyök.
