Jon 5:40-45

⁴⁰Ene ende na mina undre ana kor aimande meglkwa ina kiurikwa.

⁴¹“Yomba na dembina sinaglmedi pre pirkrika.

⁴²Ba na ene pirkan erika, God wakai kanigwa mambuno i ene nomano suna pai moglkrukwa.

⁴³Ana na Nina kangiye mina winga, ene na di ikrikwa, ba yomba kangiye pangwa ta unan ene ye di-inaglkwa.

⁴⁴Ana ene mina kangino kande dembiyesi imboriya endinamnedi pirkwa ba God suwara mina dembino si tongwa i ene inakiurikwa. Sragl yegl erikwa ipre ana ene na srambre ere pirngi dinaglme?

⁴⁵“Na Nina moglmara i ene ta na ka-tange norambedi pirkriyo. Ta manga. Ene ka-tange tenambuka i Moses, sraglpre ene Moses no akeple dinambedi ningadi pirkwa.