26 Tata i e wara e liu. Arae sau, ka ta u sing ke Kalalik isi i sabin ik wara e liu.
27 Ma ka ta ta u e rakrakai una nagogon sing i, wara le i e Kalalik ken Kaltu.
28 “Gong gam bitit na orek igii, wara le nenge aunbiing in tapiek ae foron minet tikii na palgan toh, rin ongen kine,
29 ke rik suuh. Fanseh ae ri tel ta sinang rokap rin aptih isi kep liu, ma fanseh ae ri tel ta sinang laulau, rin aptih isi fiu na nagogon.
30 Biil i fasih ian tel ti tier namin wolwol kiak tom. Biil. Ia nagogon sau namin sanih ia ongen u. Ma nagogon kiak i tortores, wara le biil ia mi na ti wowol kiak tom, isau le ia mi sau namin wowol ke seh ae i wuun ta iau.
31 “Male iau tom, ian famalal foron tier i tekentu ulo iau, foron tier ian use u biil in tatawin.
