19 Yesu ivonapotesi bo, “Weni Taparoro Numana kona tinarikai ma mara viarobina kamonai ana ruepa meyei.”
20 Ma Jiu babadisi ivonapotei bo, “Weni Taparoro Numana madegha 46 kamonai ivowai ma tam, kovokovoghim da mara aroba kamonai kuna ruepa meyei, bo?”
21 Ma Yesu na ke Taparoro Numana ita vonavonei ma tuna mani tupuwina ivivi sisiyei.
22 Maranai rabobowai ivomiiri, kana kivikivina inotai da Yesu ikikava ivi sisiya. Ma nani sisiyina ma giruma katamana ivi tumaghanei da vonavaghata.
23 Yesu na Jerusalem kamonai Pasova kamna kubiine, ma matakira ghamaghamasi iberai da wawaya peyarisi ikitai ma ivi tumaghana da tuna na God ina Vivinevine Wawayina.
