13 Tosatŋan qahö sohogetmö, nöŋön dölki gölmenöŋ mala göhöreŋ kamamgöra kaba keu ki jizal: Nöŋgö uru sösöŋgainan mönö yeŋgöreŋ kutui megetka uruŋini kokolak qeiga söŋgaiba malme. Mewö asuhumapköra köuluközal.
14 Nöŋön göhö Buŋa keugi kusum eŋgibiga möta malje. Nöŋön gölmegö ahakmeme bölöŋi mi qahö wuataŋgömakzali, yeŋön mönö mewöyök mi qahö wuataŋgöba andö qemakze. Miaŋgöra gölmenöŋ uruŋini qahö meleŋget yeŋön mönö kazik ak eŋgimakze.
