John 9:29-33

²⁹We know God done taak ta Moses, bot dis man yah, we ain eben know weh e come fom.”

³⁰De man ansa say, “Dat sho nuff scrange! Oona ain eben know weh dis man come fom, bot e done heal me eye.

³¹We know God ain yeh wa no sinna say ta um. Bot God yeh all de people wa woshup um fa true an do wa e tell um fa do.

³²Fom wen God fus mek de wol, nobody ain neba yeh say dat somebody done heal a poson wa been bon bline.

³³Ef dis man ain been come fom God, e ain been able fa do nottin.”