John 6:32-35

³²Jedus tell um say, “A da tell oona fa true, ain Moses wa been gii oona de bread wa come fom heaben. Me Fada, e de one wa da gii oona de true bread wa come fom heaben.

³³Cause de bread wa God da gii, dat de one wa da come down fom heaben an da gii people een de wol de true life.”

³⁴Den dey say, “Please sah, gii we dat bread all de time.”

³⁵Jedus tell um say, “A de bread wa da gii life. Ebrybody wa come ta me ain neba gwine git hongry, an ebrybody wa bleebe pon me ain neba gwine git tosty.