19 Fapi cha’ ni gachalpen e kar mamangad ni gonap’an e dalip fa aningeg e mayel miyad guy Jesus ni be yib u daken e ran nike chugur ko bowoch, me yib e tamdag ngorad nib gel nib gel.
20 Me ga’ar Jesus ngorad, “Dab mu tamdaggad, ya gag!”
21 Miyad adag ni ngar feked Jesus ngalan fare bowoch; ma ka chingiyal’ nem me taw fare bowoch ko binaw ko fa gin’em ni ur nameged i yan.
22 Ma fa’ani reb e rran riy ma fapi girdi’ ni pire’ nra pired u ba’nem fare lipath e ra guyed ni ta’reb e bowoch ni kan pag u rom. Ma yad manang nde un Jesus ngak pi gachalpen u bowoch, ya ranod nde un Jesus ngorad.
23 Machane me yib boch e bowoch u Tiberias ngabang nib chugur ko fa gin’em ni ba’aram ni ka’ fapi girdi’ ni pire’ fa flowa riy, ni fa’ani pining Somol e magaer riy ngak Got, nge mu’ me pi’ ngar ked.
