27 Alakenh-anyem ra Artwa Impen ikwerenh ayenh atyetyart arrernek, atha atyenh-rnem akngaketyek, apmwernem-they.
28 Ayenharl awek-penh, arrantherr iterrey-angenh anenherr-arey, atharl arrenhantherr ilem. Ingwer-inger arrewaly-rnemel ayenh aweyenh, ayeng yangkelheyenh ikwer-rnem.
29 Ingkerrenh arrewaly-penh itethirrenhey-alpeyenh. Ingwer-rneman arraty-angkwarr anenh-rnem rernem iteth intem-antey aneyenh. Ingwer-rneman apmwangkwarr anenh-rnem, atha renh-rnem akngakeyenh. Ikwer-penh atha renh-rnem irrenteyenh-anem intem-antey.”
30 Jesus Jew-rnem-kenh atyetyart-rnem-warl angkek, “Akngeyel ayenh thwenek nhenh-warl. Ayeng nthakenh ament warrkirrey-angenh arrangkw. Ayeng ikwer awelhem, arraty-angkwarr. Atha ingkerrenh arraty-angkwarr tyatemiletyek, angka ikwerenh-angkwarrant, atha amentel tyatyemiley-angenh.”
31 “Alakenh-anyem ayeng angka atyeng-penh ament ilelhey-angenh. Anyentelant angka ilem, arrantherr ikwer awelhey-angenh. Moses-kenh-angkwarr alakenh aynteyel ament-kenh arrangkwarl.
32 Irrwerl-arenyel angka atyenh arraty ileyel arrpemarl, angka arraty innga, irrkaty rey-antey.
33 Arrantherr angkakert-rnem thwenek John Baptise-emeley-angker ikwer-warl, ayenh rernem iterl-aretyek. John-el ilek angka arraty innga, ayeng irrwerl-areny inngarl.
