24 Iwe, lupwen ewe mwichen aramas ra küna pwe Jesus me nöün kewe chon kaiö resap nom ikenan, ra tötä won ekewe wa o saila Kapernaum, pwe repwe kütta Jesus.
25 Iwe, lupwen ekewe aramas ra küna Jesus me epek ewe noom, ra aisini, “Sense, inet ka feito ikei?”
26 Jesus a pölüeniir, “Enlet, üpwe wesewesen ürenikemi: Oua küttaei pokiten oua mongö ewe pilawa tori oua mötüla, nge ousap küttaei pokiten oua weweiti ai kewe manaman.
27 Ousap angang fän iten mongö mi tongeni ngauala, nge oupwe angang fän iten mongö mi nonomola tori manau esemüch. Iei ewe mongö Nöün Aramas epwe ngenikemi, pun Kot ewe Sam a fen anomu won asisilen an tipeeu ngeni.”
