26 Mume harierâ wiocnembiŋ, “Weniŋuc egarejec, weniŋuc erâ ʒâŋege bâtâcnejec?”
27 Mupie ʒiŋuc jazawec: “No ŋazapac i, ŋoŋe ine mi manambieŋ; wemocte hâsine ŋazape mananiŋte muŋgopieŋ? Ŋoŋe motecfâcne ezo muŋgopieŋ me?”
28 Iŋuc mume haneckerâ mumbiŋ, “Go hâcne motec‐ticne, nâŋe ine Mosere motecfâc.
29 Mose e Anutuzi dâŋ âzâcnewec, i manaŋgopeneŋ, â ŋic e irec me irec fuarâ warewec ine mi manaŋgopeneŋ.”
30 Mupie ŋiczi dâŋ ʒiŋuc bâtikie‐jarewec: “Ʒâŋe‐nane bâtâcnejec ere fufuare kâuc bapie warec‐ŋopakopac.
