37 Mume jahe dâŋ i manarâ Jesure râpefuŋko rapic.
38 Rapire Jesuzi forisierâ honec‐jofarâ muwec: “Ŋohe wemocte warekopirec?” Eme jahe mupic: “Rabi (nâŋâcne dâŋko: Qaqazu), go fic wena jukomec?”
39 Eme ʒiŋuc jasawec: “Ware honenic.” Mume jahe bâjâperâ fic honerâ ʒoaŋ gie bapa ira juweckoa jupic. I ʒoaŋ otewezo eha iŋuc epic.
40 Johanere dâŋ manarâ Jesu bâjâpepic moc ʒâŋene Anderea, Simoŋ Petoro ɋaticne.
41 Eme eki biac hahac‐ticne Simoŋ bâfuarâ ʒiŋuc âzâcnewec: “Nâhe Mesia (Kristo hâcne) bâfuakoperec.”
42 Iŋuc murâ Jesurao jowame rapic. Eme Jesuzi honerâ muwec: “Go Simoŋ, Johanere ŋokâ, gore ʒâŋe Kefa mukopac” (nâŋâcne dâŋko: Haroŋaŋ).
43 Hae fureme Jesu e Galilaia mâreŋko raocte ʒawierâ Filipo bâfuarâ âzâcnewec, “Go bâjâpecnuc.”
44 Filipo e Besaida haeonec, Anderea â Petoro jahe hae irecteaŋ.
