Johaanas 6:55-58 in Caribbean Hindustani

⁵⁵ Hamaar dehie toelogke diel ke bhoekh sattje ke mietaaiga, aur hamaar khoen diel ke piaas sattje ke boedjhaaiga.

⁵⁶ Dje hamaar dehie aur khoen apanaaiga, oe hamse aur ham ose ek rahab.

⁵⁷ Djienda Baap hamme pathaais hai, aur ham okar dwaara djiela. Oisane dje hamme apanaaiga, oe hamare dwaara djiega.

⁵⁸ Hamlogke baap-daada log maana khaat raha aur mar gail. Bakie dje oe bret khaaiga djaun swarag me se aail hai, oe hardam khaatien Parmeswar ke sanghe rahiega.”