1 Phat khat hin Uz gam sunga Jobkiti mikhat ana cheng in, amapachu nolnabei leh lungtheng sel ahi. Amapan Pathen aging in thilphaloujousea kona kikangse jinga um ahi.
2 Joh hin chapa sagi le chanu thum aneije.
3 Chule Job hin kelngoi sang sagi, sangongsao sang thum, bongchalkop janga, le sanganpi janga aneije. Amapa hin soh jong tamtah aneiahi. Atahbeh in Job hi hiche gamkaisungse dinga ahaopen ahi.
4 Job chapate aphat lhingpen penchun ainnuva nehkhom donkhomabol tenguleh, asopiu numei thumho jong chu golvah bolkhompi dinakou jiuve.
5 Hiche golvah chu akichai tengnikho phabep jouleh Job chunachate athenso jin ahi. Job chujingkah matah in athou jin khatcheh a din pumgo thilto abolpehjie. Ajeh chu Job in hiti hin aseijin, “Kachate hi ana chonseuvin tinchule alungthim uva jong Pathenagaosap sao himai theijinte,” ati. Hiti hin Job in abol jing jenge.
6 Nikhat hi van thutanna innathutan ho ama ho cham chamin Pakai masanga ahung kikhomunchule hehhatpa Satan chu amahotoh ahung lhon khome.
7 “Hoija konna hung nahim?” tin Pakaiyin Satan chu adonge. Satanin Pakai adonbut in, Leiset chungkaga vet lhih lea, thilsoh jouse kaga vetle ahi.
8 Chuin Pakaiyin Satan jah a, “Kalhachapa Job khu nahet em? Leiset a dinga miphapen ahi. Amahi nolnabei, milungthengselahin, aman Pathen aging in chulethilphalou jousea konin akikangsenahi,” ati.
