9 Tec ŋagêdô sêsôm gebe “Aec, ŋac tau tonec.” Ma ŋagêdô sêsôm gebe “Masi, ŋac teŋ, taŋ laŋôŋanô kêtôm tau naŋ.” Ma ŋac tau kêsôm gebe “Aê tau tonec.”
10 Go êsêac sêsôm gêdêŋ eŋ gebe “Asageŋ gêgôm matamanô kêpoa lasê.”
11 Ma eŋ gêjô Êsêac aweŋ gebe “Ŋamalac taŋ sêsam eŋ gebe Jesu naŋ, kêlaliŋ lemoŋ mêŋkêkêŋ kêpi matocanô. Go kêsôm gêdêŋ aê gebe ‘Ôna Siloam ma ônsaŋgu taôm.’ Tec aê gaja kasagu tauc e matocanô kêpoa lasê.”
