João 21:4-6 in Sateré-Mawé

⁴ Mi'i hawyi hunete wẽtup ok miit kape urute­ha'at yi kyt rote ma'ato yt uruikuap i uwe hap.

⁵ Mi'i hawyi tehay pirik wo tuwẽ­powat uruewawi — Uha'y­ru'in ehepira ra'yn apo'e. — Yt rat uruto'e yt wẽtup i pira uruipuẽti Uhyt uruto'e.

⁶ — Pyno eipo sese kai ro eweipag y'y pe ehesuki wato e. Mi'i kai wyti aru eweipuẽti ra'yn pira e tehay pirik wo. Mi'i hawyi uruimak y'y pe uruepo sese kai yara ywytpuo. Mi'i hawyi howapy kahato pira wo uruesuki wato. Mi'i hawyi urutiõtem neran na'yn uruesuki wato ma'ato pira i'atu poity'i pote yt uruiherep kuap i urue'yara kape.