7 Ra Anumzamo kugusopa erino regripeno vahe tro huno agonagampi Agra'a asimu'a huhu huvazigeno, vahe fore hu'ne.
8 Hanki Ra Anumzamo mago hoza zge hanatitega ante'ne. Ideni hoza agu'afina, ana ne'ma trohu'nea nera ana hozafi avreno ome ante'ne.
9 Ra Anumzamo rumofo rumofo zafa higeno, mopafinti hage'ne. Hakare zafamo'a zamuma kete'ene ne'zanena knare hu'ne. Hagi ana hoza amu'nompi tare zafa me'ne. Mago zafa ofri manivava hu zafe. Hagi magora tamazane havizane antahi zafe.
10 Ideni hozafinti tina enevuno hozafina tina nemino refko huno taregi taregi (4) a ranti enevie.
11 Ese'ma evu'nea tinkura, Pison tine huno agi'a ante'ne. Knare koli me'nea mopa Havira rugagino evu'ne.
12 Ana mopafina knare koline, mna nentake'zane konaririane mizama'amo mreri'nea oniksie nehaza have me'ne.
13 Anante timofo agi'a Gihon tine. Kusi mopafi rugagino evu'nea tine.
14 Anantema taregi magoki (3) timofo agi'a Taigrisie Asiria mopa agentega zge mreneria kaziga evu'ne. Taregi taregi (4) tina Yufretis tine.
15 Hanki Ra Anumzamo ana nera avreno Ideni hozafima ante'neana, hoza eri'zama enerino kvama hanigure huno avrente'ne.
16 Ra Anumzamo kasege hunteno, kagra mika hozafima me'nea zafa rga amne negahananagi,
17 knare'zanki havi'zanki huno antahi zafa rga ono. Hanki kagrama nesnanana tmage hunka frigahane.
18 Ra Anumzamo anage hu'ne, vemo agrake maniazamo'a knare osianki'na, azahu vahera tro hanugeno knare hu'ne tragotene manigaha'e.
19 Mopa kateno mika zgagfane, nmane ne'one zgagfazga tro huzmanteno zmareno zamagi antezmisie huno ana nete zamareno vigeno, zamagi'a ante'zmigeno ana zamagima ante'nere me'ne.
20 Higeno ana ne'mo mika'ma nontega mni zgagfagi, monafima hareno vonoma nehia nma'zgagi, mopafima maka afi zgagfagi huno zamagi zmi'neanagi, mago agri azahu knampa'a omni'ne.
21 Ana higeno Ra Anumzamo ve mofona azeri avukoko higeno mse himre'negeno, magoke omete asoza'a avazu huteno, avufanu renknirente'ne.
22 Ra Anumzamo ana ne'mofo asozareti a' trohuno avreno egeno,
