13 Ikanta ithonkakiro ikamantantaki, ikantanaki Jacobo: “Iyikiiti, pinkimisantawakina:
14 Ikamantakairo Simón tsika ikanta Pawa jitantanakawori jiyoshiiyitaki pashinijatzi atziriiti, inkimisantantaiyaariri, impairyaayitairi.
15 Ari imonkaatari josankinatakotakiri pairani Kamantantaniriiti, ikantaki:
16 Aririka onkaatapaaki jiroka, ari nompiyi. Nowatziyairo ipanko David tyagaintsiri. Nompinkatharitakairi incharinityaari inkimitaiyaari ikanta irirori nopinkatharitakaakiri.
