Jan Laabaalihamo 7:3-31 in Gourmanchéma

³ Lanyaapo o waamu den yedi o: Han fii ki gedi Jude po, a huadikaaba moko n ban le han tuuni ya tuona.

⁴ Yua n bua bi niba n yaabani o kan yaa wuondi wan tiendi yaala. A ya baa tiendi yeni han teni handuna kuli n bandi.

⁵ Kelima o waamu ki den daani o. Jesu den yedi ba:

⁶ N yogunu daa pundi ama yinba wani yaapo yogunu kuli yenma.

⁷ Handuna yaaba kan fidi ki nani yi, ama mini wani bi nani nni kelima n wangi ke bi tuona bia.

⁸ Yin gedi mani mi jaanma ama mini wani daa kan gedi kelima n yogunu daapundi.

⁹ Wan den yedi ba yeni o go den sedi Galile.

¹⁰ O waamu n den gedi, wani o ba moko den yuandi ki gedi hasiilu nni ke bi niba ki bani.

¹¹ Jufinba den lingi o, mi jaanma yogunu ki tua: O nan ye le yo?

¹² Bi niba den soabidi soabidi boncianla, bine den tua: o tie nihamo, bine mo n yaa tua: O teni ke bi niba boncianla yaadi.

¹³ Ama bi niba kuli den jie Jufinba kaa bua ki maadi bi niba n gbadi.

¹⁴ Mi jaanma yeni dana siiga Jesu den gedi U Tienu diegu nni ki bangi bi niba.

¹⁵ Li den paki Jufinba ke bi tua o tieni lede yo ki bandi laa bonla ki naakua li cogu?

¹⁶ Jesu den guani ki yedi ba: N bangima ki ñani n yaa kani ka, mi ñani yua n soani nni yaa kane.

¹⁷ O nilo ya bua ki tieni U Tienu yanbuama o baa bandi n bangima ya ñani U Tienu kani bi n maadi n yuceli maame.

¹⁸ Yua n maadi o yuceli maama lingi oyuceli kpiagide, ama yua n lingi yua n soani o yaa kpiagidi o tie moamoandaano boandi ki ye oniinni ba waamu.

¹⁹ Musa ki den teni yi li balimaama kaa? Ama yi siiga baa niyendo ki den kubi li balimaama nbili yaala. Be yaapo ke yi lingi ki bua ki kpa nni?

²⁰ Ku niligu den yedi o: A pia ki cicibiadiga! ŋmenba n lingi ki bua ki kpa ha?

²¹ Jesu den guani ki yedi ba: N den soani tuonyenli ke li paki yi kuli.

²² Musa n den teni ku koanciagu balimaama, ama maa den cili o yaa kani ka, kelima mi den ñani yi yaajakpiaba kane lanyaapo yi yen kuani o nilo ku koanciagu baa U Tienu fuodima daali.

²³ Li ya tie ke yi kuani o nilo ku koanciagu U Tienu fuodima daali ke yin da miidi Musa balimaama, be yaapo ke yi pala nan be leni nni kelima n yen paagi o nilo cain U Tienu fuodima daali?

²⁴ Yin da ja ti buudi nani yin bua maama ka, ama yin yaa ja ti buudi ke li tiegi.

²⁵ Jelusalema yaaba bi tianba den tua naani wani ka tie ban den lingi ki bua ki kpa yua yeni?

²⁶ Diidi: O maadi bi niba siiga ke baa tua o li ba, naani ti yudanba tuo ke o tie U Tienu n gandi yua bi?

²⁷ Ki sua one wani ti nan bani ñani naani, Ama U Tienu n gandi yua ya cua o bakuli kan bandi wan ñani naani.

²⁸ Jesu n den bangi U Tienu diegu nni, o den kpaani ki yedi: Yi bani nni, yi go bani min ñani naani. Mii cua n yuceli po ka, yua n soani n tie o moamoani daano. Yii bani o.

²⁹ Ama mini wani n bani o, kelima n ñani o yaa kane, wani n soani nni.

³⁰ Bi den lingi ki bua ki cuo o, ama o bakuli ki den sii o, kelima o yogunu daa den den pundi.

³¹ Ku niligu siiga boncianla den tuo ki daani o. Ki tua: Naani U Tienu n gandi yua ya cua o baa fidi ki tieni yaa bancianma n cie one n tiendi yaama ne bii?

³ Lani ki jesu ninjab maad o, ña ne ki gedi Suude. K a ŋuantieba n fidi la a tuona yaali k a suani.

⁴ Nilo k wuo wan suani ya tuonli: a ya suani lan tuonli kuli, mɔndi ŋanduna nib kuli n band a.

⁵ O ninjabi bo ki pia o po li dandanli.

⁶ Jesu maadi ba: n yogu da ki pundi ŋama yinbi wan ya yogu peli yogkuli.

⁷ ŋanduna kan fidi ki kuad i, min, o kuadn, ki dugni n tie o sieda yua n wang o k o tuona ki ŋani.

⁸ Do mani, yinbi, li jaam po, min wani da kan do ki dugni n yogu da ki pundi.

⁹ Wan maadi ba k gben, k o ñindi Galile

¹⁰ O ninjab n doni mi jaam po, li puoli po k o ŋɔd li wuolin k bi niba k lagu.

¹¹ Mi jaam yogu, k jufinba kpaan o ki maadi: o ye leee?

¹² O niwuligun nni bi maadi o po ki tua: o tie nimɔni (ŋantaadi daani), bi tianbi mɔ ya po: n n, o bɔndi bi niba(o tiendi ti belbɔndi).

¹³ Bi nibi den jie yeni ban maadi jesu po jufinba gbadi.

¹⁴ Mi jaam ji mangi ki kua siinga yo ki jesu kua o jandiegu nni ki cili ki cogni U Tienu maama.

¹⁵ Ki li ya k lidi jufinba k bi maadi: o tieni ledi ki bani mi cogma ki nan ki kua o cogu( kalaatu).

¹⁶ K Jesu ŋmianba: n yikod k tie n yali ka, ama yua n sɔn nni yali

¹⁷ Yua bua tie o buam, o b bandi ki lia n yikod ñaa U Tienu kani bii n palu po.

¹⁸ Yua maadi o yuli po, kpaani o ñuadi baba i, ama, yua kpaani yua n sɔn o ya ñuadi, tie yua mɔni k k bua jɔdi ki maadi i mɔmɔni o ba nni.

¹⁹ Moyiis den ki teni li yikodi? Ama siign nul ki cɔlnil li yikod. Be ya po i ki kpaani ki yin kpa nni?

²⁰ K o niwuligu guani ji jiin o: ti cicibiadm ŋua a. Bi le n kpaani ki ban kpa a ni?

²¹ K i Jesu yediba: tuonyenli baba k n tieni ki li yaa ki lidi i kuli ne.

²² Moyiis bo teni yin ba cɔlni, l bo ki ñani Moyiis kan ka, li bo cili yajaanba kani ki ti kɔndi bo cili, k a kɔndi saaba daali

²³ Nil ya gaa ti kɔndi saaba daali k nan cɔlni Moyiis yikodi, be ya po i ki kɔn yen n k paagi o yiamo saaba daali?

²⁴ Da bu mani yeni lugdm ama ya bu mani yeni i mɔmɔni

²⁵ Jerusalema yaaba siiga, b tianba ń yedi, “Ban lingi yua ki bua kpa ka ne ee?”

²⁶ Diidi, wani n maadi wan bua maama yeni, ke bi nan ki maadi o libakuli. Daalinba yikodanba ki bani ke wani n tie Kiristo, bii laa tie yeni ii?

²⁷ Ama ti bani li nilo ń ñani naankani wani.”

²⁸ Ke Jesu tandi ku jaandiegu nni, ki tundi, ki tua, “I bani nni, ki go bani min ñani naani. N ki cua n yuli po ka, Yua n sɔni nni yeni tie o mɔmɔndaano i, i ki bani o.

²⁹ N bani o, kelima n nani o kani i, wani n sɔni nni.

³⁰ Bi den bigni ke ban cuo o, ama, obakuli den ki maani o nuu o po, kelima, o yogu dá den ki pundi.

³¹ Ama ku niwulgu nni, boncianli den tuo ki dugi o po, ki tua, “Kiristo ń ba ti cua ya yogu, o ba fidi ki tieni yaali n cie ya bancianma yeni ya yaalidgu n tie ne ee?”