Jan Laabaalihamo 7:10-51 in Gourmanchéma

¹⁰ O waamu n den gedi, wani o ba moko den yuandi ki gedi hasiilu nni ke bi niba ki bani.

¹¹ Jufinba den lingi o, mi jaanma yogunu ki tua: O nan ye le yo?

¹² Bi niba den soabidi soabidi boncianla, bine den tua: o tie nihamo, bine mo n yaa tua: O teni ke bi niba boncianla yaadi.

¹³ Ama bi niba kuli den jie Jufinba kaa bua ki maadi bi niba n gbadi.

¹⁴ Mi jaanma yeni dana siiga Jesu den gedi U Tienu diegu nni ki bangi bi niba.

¹⁵ Li den paki Jufinba ke bi tua o tieni lede yo ki bandi laa bonla ki naakua li cogu?

¹⁶ Jesu den guani ki yedi ba: N bangima ki ñani n yaa kani ka, mi ñani yua n soani nni yaa kane.

¹⁷ O nilo ya bua ki tieni U Tienu yanbuama o baa bandi n bangima ya ñani U Tienu kani bi n maadi n yuceli maame.

¹⁸ Yua n maadi o yuceli maama lingi oyuceli kpiagide, ama yua n lingi yua n soani o yaa kpiagidi o tie moamoandaano boandi ki ye oniinni ba waamu.

¹⁹ Musa ki den teni yi li balimaama kaa? Ama yi siiga baa niyendo ki den kubi li balimaama nbili yaala. Be yaapo ke yi lingi ki bua ki kpa nni?

²⁰ Ku niligu den yedi o: A pia ki cicibiadiga! ŋmenba n lingi ki bua ki kpa ha?

²¹ Jesu den guani ki yedi ba: N den soani tuonyenli ke li paki yi kuli.

²² Musa n den teni ku koanciagu balimaama, ama maa den cili o yaa kani ka, kelima mi den ñani yi yaajakpiaba kane lanyaapo yi yen kuani o nilo ku koanciagu baa U Tienu fuodima daali.

²³ Li ya tie ke yi kuani o nilo ku koanciagu U Tienu fuodima daali ke yin da miidi Musa balimaama, be yaapo ke yi pala nan be leni nni kelima n yen paagi o nilo cain U Tienu fuodima daali?

²⁴ Yin da ja ti buudi nani yin bua maama ka, ama yin yaa ja ti buudi ke li tiegi.

²⁵ Jelusalema yaaba bi tianba den tua naani wani ka tie ban den lingi ki bua ki kpa yua yeni?

²⁶ Diidi: O maadi bi niba siiga ke baa tua o li ba, naani ti yudanba tuo ke o tie U Tienu n gandi yua bi?

²⁷ Ki sua one wani ti nan bani ñani naani, Ama U Tienu n gandi yua ya cua o bakuli kan bandi wan ñani naani.

²⁸ Jesu n den bangi U Tienu diegu nni, o den kpaani ki yedi: Yi bani nni, yi go bani min ñani naani. Mii cua n yuceli po ka, yua n soani n tie o moamoani daano. Yii bani o.

²⁹ Ama mini wani n bani o, kelima n ñani o yaa kane, wani n soani nni.

³⁰ Bi den lingi ki bua ki cuo o, ama o bakuli ki den sii o, kelima o yogunu daa den den pundi.

³¹ Ku niligu siiga boncianla den tuo ki daani o. Ki tua: Naani U Tienu n gandi yua ya cua o baa fidi ki tieni yaa bancianma n cie one n tiendi yaama ne bii?

³² Falisieninba n den gbadi ke ku niligu soabidi leni bi yaba, ki maadi Jesu po laa maama, lane bi kopadicianba yudanba leni Falisieninba den soani U Tienu diegu jiidikaaba ke ban ban cuo o.

³³ Jesu den yedi ba: N da ye leni yi yogunu waamu po, ama li yaa yanwaamu n baa guani ki gedi yua n den soani nni po.

³⁴ Yi baa ti lingi nni yi kan le nni, yi kan fidi ki cua min ye naanpo mo.

³⁵ Lanyaapo Jufinba den tua bi yaba: O baa gedi hali le yo, ke ti kan go le o? O nan baa gedi yaa Jufinba n yayadi ki ye bi nilanba siiga yeni ki ban bangi bi nilanba yeni moko bii?

³⁶ Wan maadi yaa maama ne bua ki yedi be yo? Yi baa ti lingi nni yi kan le nni. Yi kan fidi ki cua min baa ye naankani yeni mo.

³⁷ Mi jaanma yeni badu dancianli daali yaali n tie li da juodikaali. Jesu den fii ki sedi ki kpaani ki yedi: ñuñuulu ya pia yua wan cua n kani ki ño,

³⁸ Yua n daani nni li miali kpenciamu baa puubi ki ña o niini nani idiani n yedi maama.

³⁹ Wan den yedi yeni, o den maadi U Tienu fuoma yua yaa maame. Yaaba n daani wani Jesu n baa ba yua, U Tienu fuoma yua daa den jiidi bi po, kelima Jesu daa den kua o kpiagidi nni.

⁴⁰ Ku niligu siiga bi tianba den gbadi laa maama ki tua: One li tie sawalipualo moamoane.

⁴¹ Bi tianba den tua: Wan tie U Tienu n gandi yua, bi ne mo den tua naani U Tienu n gandi yua baa ña Galile yo?

⁴² Naani idiani ki yedi ke UTienu n gandi yua baa tie Davidi puoli huanu, ki go ña Betelema dogu nni kaa? Lan tie Davidi dogu.

⁴³ Lanyaapo yo mi paadima den tieni ku niligu siiga kelima Jesu po.

⁴⁴ Bi siiga bi tianba den bua ki cuo o, ama o bakuli ki den sii o.

⁴⁵ U Tienu diegu jiidikaaba n den guani bi kopadicianba yudanba leni Falisieninba yeni kani, bi den buali ba: Be n teni ke yii cuani o?

⁴⁶ Bi jiidikaaba den guani ki yedi ba: Nisaalo bakuli ki maadi nani laa joa n maadi maama.

⁴⁷ Falisieninba den guani ki buali ba: O boandi yi moko bii?

⁴⁸ Naani li pia bi yudanba leni Falisieninba siiga yaaba n daani o bii?

⁴⁹ Ama ku naa niligu yaaba n ki bani Musa balimaama tie ban soli yaaba.

⁵⁰ Nikodema bi siiga yua, yua n den kpa gedi Jesu kani ku ñiagu yeni den yedi ba:

⁵¹ Naani ti balimaama puni usanu ban jia o nilo buudi kaa kpa cengi o, ki bandi wan tieni yaala?

¹⁰ O ninjab n doni mi jaam po, li puoli po k o ŋɔd li wuolin k bi niba k lagu.

¹¹ Mi jaam yogu, k jufinba kpaan o ki maadi: o ye leee?

¹² O niwuligun nni bi maadi o po ki tua: o tie nimɔni (ŋantaadi daani), bi tianbi mɔ ya po: n n, o bɔndi bi niba(o tiendi ti belbɔndi).

¹³ Bi nibi den jie yeni ban maadi jesu po jufinba gbadi.

¹⁴ Mi jaam ji mangi ki kua siinga yo ki jesu kua o jandiegu nni ki cili ki cogni U Tienu maama.

¹⁵ Ki li ya k lidi jufinba k bi maadi: o tieni ledi ki bani mi cogma ki nan ki kua o cogu( kalaatu).

¹⁶ K Jesu ŋmianba: n yikod k tie n yali ka, ama yua n sɔn nni yali

¹⁷ Yua bua tie o buam, o b bandi ki lia n yikod ñaa U Tienu kani bii n palu po.

¹⁸ Yua maadi o yuli po, kpaani o ñuadi baba i, ama, yua kpaani yua n sɔn o ya ñuadi, tie yua mɔni k k bua jɔdi ki maadi i mɔmɔni o ba nni.

¹⁹ Moyiis den ki teni li yikodi? Ama siign nul ki cɔlnil li yikod. Be ya po i ki kpaani ki yin kpa nni?

²⁰ K o niwuligu guani ji jiin o: ti cicibiadm ŋua a. Bi le n kpaani ki ban kpa a ni?

²¹ K i Jesu yediba: tuonyenli baba k n tieni ki li yaa ki lidi i kuli ne.

²² Moyiis bo teni yin ba cɔlni, l bo ki ñani Moyiis kan ka, li bo cili yajaanba kani ki ti kɔndi bo cili, k a kɔndi saaba daali

²³ Nil ya gaa ti kɔndi saaba daali k nan cɔlni Moyiis yikodi, be ya po i ki kɔn yen n k paagi o yiamo saaba daali?

²⁴ Da bu mani yeni lugdm ama ya bu mani yeni i mɔmɔni

²⁵ Jerusalema yaaba siiga, b tianba ń yedi, “Ban lingi yua ki bua kpa ka ne ee?”

²⁶ Diidi, wani n maadi wan bua maama yeni, ke bi nan ki maadi o libakuli. Daalinba yikodanba ki bani ke wani n tie Kiristo, bii laa tie yeni ii?

²⁷ Ama ti bani li nilo ń ñani naankani wani.”

²⁸ Ke Jesu tandi ku jaandiegu nni, ki tundi, ki tua, “I bani nni, ki go bani min ñani naani. N ki cua n yuli po ka, Yua n sɔni nni yeni tie o mɔmɔndaano i, i ki bani o.

²⁹ N bani o, kelima n nani o kani i, wani n sɔni nni.

³⁰ Bi den bigni ke ban cuo o, ama, obakuli den ki maani o nuu o po, kelima, o yogu dá den ki pundi.

³¹ Ama ku niwulgu nni, boncianli den tuo ki dugi o po, ki tua, “Kiristo ń ba ti cua ya yogu, o ba fidi ki tieni yaali n cie ya bancianma yeni ya yaalidgu n tie ne ee?”

³² Farisienba den gbadi ke ku niwulgu sɔbni ki maadi li Jesu maama, ke salga yidkaaba yeni Farisienba sɔni a jakɔnda yudanba, ke ban cuo o.

³³ Ke Jesu yedi, “N dá ye yeni yi u you waamu, ki ba ti yuandi ki guani yua n sɔni nni po.

³⁴ I ba lingi nni, ama, i kan la nni; min caa naani, i kan fidi ki cua likani.”

³⁵ Ke juufinba ji maadi bi ŋmiali nni, Ya nilo ne caa le i, ke ti ba lingi o kikan la o oo? O bua gedi yaaba n yadi ki kua bi nilanba siiga ki ban ya tundi ba bii?

³⁶ Wan maadi ya maama ne mɔ tie be i, 'I ba lingi nni, i kan la nni; min caa naankani, i kan fidi ki pundi likani'?”

³⁷ Mi jaanma damiidi ligi i, li daacianli daali, Jesu den tandi, ki maadi, ki tua, “U ñuñuunu ya pia yua, wan cua n kani ki ñu.

³⁸ Nani i diani nni, lan yedi yaali maama, “Yua n dugi n po, li miali kpenu ñima ba puubi o niinni.

³⁹ O den maadi Foŋanma maama, yaama ke yaaba n dugi o po ba baa; bi dá́ ki puuni Foŋanma, kelima, Jesu dá ki la o kpiagdi.

⁴⁰ Ku niwulgu nni, nitianba ń gbadi lanya maama, ke bi yedi, “O li tie sawalpualo i yeni i mɔni.”

⁴¹ Ke nitianba yedi, “Kiristo n yeni.” Ama ke nitianba mo yedi, “Kiristo ñani Galile yo oo?

⁴² I diani nni, bi ki yedi ke Kiristo ba ña Dafiidi cugli nni ka aa, ki tie Betehema, Dafiidi dongbanli nni ka aa?”

⁴³ Lanwani ii, ke mi paadma tieni bi siiga nni o po.

⁴⁴ Nitianba den bua ban cuo o, ama obakuli den i maani o nuu o po.

⁴⁵ Ke sejenba yudanba guani ki la salga yidkaaba yeni farisienba, ke bi buali ba, “Li tieni ledi i, ke yii guani yeni o?”

⁴⁶ Ke sejenba yudanba jiini, “Tii kpeli ki la ya nilo n maadi nani wani yeni.”

⁴⁷ Ke farisienba buali ba, “i mɔ bodi n yeni ii?

⁴⁸ Yikodanba bii farisien bi ye lienni, ki tuo ki dugi o po oo?

⁴⁹ Ama ya niwulgu n ki bani yiko ne, sola bi po.”

⁵⁰ Nikodema, (ya farisien n den tuodi ki dugi o po) yedi ba,

⁵¹ Ti yiko cabi ke ban jia nilo ti buudi kaa cengi o ki bandi wan tieni yaali ii?