Jan Laabaalihamo 4:29-51 in Gourmanchéma

²⁹ : Cua mani ne ki ban le ya nilo n fidi ki bandi min tieni yaala kuli, naani waa baa tie Kilisiti kaa?

³⁰ Bi den ñani udogu nni cua o kani.

³¹ Laa yogunu den sua ke ohoadikaaba tigini o ke wan je ki tua: canba yi di.

³² Ama o den yedi ba: N pia yin ki bani yaa jiema ki baa je.

³³ Bi hoadikaaba den tua bi yaba niloba nan cuani opo jiema bii?

³⁴ Jesu den guani ki yedi ba: N yaa jiema tie min yaa tiendi yua n soani nni yanbuama ki soani o tuonli ki dudi.

³⁵ Yii tua ke ŋmaalita ka sieni yin taani ti kpaandi? Ama mini wani n yedi yi baa moalane yaadi mani ki diidi, yi kuani pendi ki pundi ujetaagu.

³⁶ Yua n yendi baadi opanpaani ki taagi ti kpaandi ya miali n kan gbeni po, ke yua n buu leni yua n yendi kuli n taani ki mangi bi pala.

³⁷ Kelima ban yedi yaala ne tie moamoani, one buu one mo yendi.

³⁸ N soani yi yin ban yendi yin ki den soani naani, nitoaba n den soani li tuonli yi mo kua bi tuonli nni.

³⁹ Samali yaaba siiga boncianla yaaba n ye laa dogu nni den daani Jesu kelima o pua yeni n den doagidi ki waani ba yaa maama ne «o bandi min tieni yaala kuli»

⁴⁰ Samali yaaba, yaaba n den cua Jesu kani yeni den mia o, ke wan sedi leni ba, o den tieni li kani danalie.

⁴¹ Bi niba boncianla den daani omaama po.

⁴² Bi den yedi o pua yeni: Laa tie han bi waani ti yaa maama po ka ke ti daani o, kelima tinba yaaba gbadi wan yedi yaala, ti bandi ke o tie handuna candaano moamoani.

⁴³ Danalie n den pendi Jesu den ñani likani ki guani Galile,

⁴⁴ kelima wani o ba den tuodi ki yedi ke bi kan kpiagi Sawalipualo odandogu nni.

⁴⁵ Wan den pundi Galile, Galile yaaba den ga ocangu hali bohanla kelima ban moko den gedi Jelusalema mi jaanma yogunu ki laa wan den tiendi yaala.

⁴⁶ O den guani kana Galile dogu nni wan den kpa lebidi mi ñima naani ke mi tua duven obado koanbali den ye kapenayuma dogu nni ke o bijua yia.

⁴⁷ Wan den gbadi ke Jesu cua jude Galile diema nni o den fii ki gedi okani ki mia ke wan cua ki paagi opo obijua yua n den sieni waamu ki kpe.

⁴⁸ Jesu den yedi o: Yi yaa laa mi bancianma leni libonpakikaala yaaka yi kan daani nni.

⁴⁹ Obado koanbali den yedi o: Canba cua tin yegi ki gedi hali ke n biga daa kpe.

⁵⁰ Jesu den yedi o: Kuni abiga baa laa fia. Laa joa den daani Jesu n den yedi o yaala ki gedi.

⁵¹ Wan den kuni o tuonsoanba den tuogi o usanu nni ki waani o yaa laabaalo n tiena: Abiga baa laa fia.

²⁹ Cua mani ki diidi ya ja n maadi n min sɔni yaali kuli, wan ka baa tie krisui?

³⁰ Ki bi nibi ñani o dogun ki cua jesu kani.

³¹ Ki li yognu, k o yegni balimo k wan di, ki tua Rabi ya di.

³² Ama ki Jesu maadi ba: min pia ya jiem ki ba je yeni, i ki ban li.

³³ K o yegni ji maadi bi ŋmiali nni: ki nul n baa ten o mi jiema k o jen biii?

³⁴ Ki jesu yedi bi: n jiedi tie ki min sɔni yua n sɔni nni n bua yaali, ki sɔni o tuona kuli ki juodi.

³⁵ Yi maadi ki bontutugu yogu sieni ŋmaali na kaa i? Diidi mani, n maadi; yaadi mani ki diidi o kpaabi, li ji pieni fuaa, o bonyendi yogu pundo.

³⁶ Yua pedi i dii, wan ga o paagu, o ji taandi li bona ki ŋuundi ya miali ki pia gbemi bualin, ki lan fidi ki yua den buli yeni yua n pedi n ya ye li pamanli nni.

³⁷ Kilima ban maadi yaali tie i mɔni, yua buli ye oba i, ki yua pedi mɔ ye oba.

³⁸ N suani ki yin gedi ki pedi ya kpaabu ki dee koni; bi tɔbi n den koni li kpaabu ki la fala, ki yinbi ji bi je bi fala ñuadi.

³⁹ Samari dogu n nibi boncianli bi tuo jesu, kilima o pua yeni bi bi maadiba: o maadn min baa suani yaali kuli n yenyienu n.

⁴⁰ Samari yaabi cua ki la jesu, ki bi balimo ki wan cua k ya ye yenbi, k o tieni bi kani daa lie.

⁴¹ Ki bi niba boncianli duu o po, ki dugni o maami po.

⁴² Ki bi maadi o pua yeni: laa tie ki ŋan yedi ti yaali ka cedi ki ti du o po; tinbi mɔno den tuodi gbadi yeni i mɔni k wan n tie ŋanduna gaapo.

⁴³ Li dana lie n pendi, ki jesu ñani li dogun ni ki gedi Gaaliile.

⁴⁴ Kilima wan mɔno bi maadi k U Tienu tondikaabi kan la li cɔligu bi dogun yaabi kani.

⁴⁵ Wan pundi Gaaliile, k li dogun yaabi ŋanbi ki gaagu, ki bi den la wan den tieni yaali Jerusalem m jaam yogu, k li ma bi mɔ den gedi k b di li jaami.

⁴⁶ K o guani ki lebdi Kaana, Gaaliile dogun ni, naani k o bi cedi k mi ñim kpandi o damɔngu. L sua ki yiko daano ba ye Kafarnawum k o bigi yia.

⁴⁷ Wan gbadi ki jesu ñani Jude ki cua Gaaliile, k o nagni o kani ki miagu sugli ki wan mɔndi ki jiidi Kafarnawum k tebi o bijua, li sua ki li bigi nuud mi kuumo.

⁴⁸ Ki jesu maadi o: i ya la ti palidi yeni yaalidigu bona, i kan baa ki duu n po.

⁴⁹ K li yiko daano maadi o: ti yonbidaano cua tin gedi ki sua ki bigi da ki kpe.

⁵⁰ Ki jesu maadi o: ya kuni, a bijua paag o. K o gaa jesu n yedi o ya laabaali ki ji kuni.

⁵¹ O den paa o san po i, k o tuonsɔnla tuog o ki maad o, a bijua paago.